Islam Times - Şok iddia: Tramp Ukraynanı Rusiyanın bir hissəsi hesab edir

IslamTimes - ABŞ-ın keçmiş prezidenti Donald Tramp prezidentliyi dövründə əmin idi ki, Ukrayna Rusiyanın bir hissəsi olmalıdır.

Publika.az xəbər verir ki, bu barədə “The Guardian” qəzeti ABŞ Milli Təhlükəsizlik Şurasının Rusiya üzrə keçmiş direktoru Fiona Hillə istinadən məlumat yayıb.

“Tramp açıq şəkildə bildirdi ki, o, Ukraynanın və xüsusilə Krımın Rusiyanın bir hissəsi olmasının lazım olduğunu düşünür” deyən Hill “Yeni soyuq müharibələr: Çinin yüksəlişi, Rusiyanın işğalı və Amerikanın Qərbi müdafiə etmək üçün mübarizəsi” kitabının müəllifi David Sangerə bildirib.

Kitab, qəzetin qeyd etdiyi kimi, aprelin 16-da ABŞ rəflərinə çıxacaq.