QR CodeQR Code

İraqın Kərkük şəhərində törədilmiş partlayışlar nəticəsində 23 nəfər ölüb

24 Aug 2014 11:54

IslamTimes - İraqın Kərkük şəhərində törədilən üç partlayış nəticəsində 23 nəfər ölüb, 70 adam xəsarət alıb.


APA TV-nin məlumatına görə, ilkin olaraq terror aktının hədəfi şəhəri nəzarətdə saxlayan peşmərgələr olub.
Əvvəlcə peşmərgələrin yaşadığı dördmərtəbəli binaya partlayıcı quraşdırılmış yük maşını ilə hücum edilib. Bunun ardınca şəhərin iki müxtəlif bölgəsində asayiş binalarına terror hücumu olub. Partlayışlardan biri bazarın yaxınlığında törədildiyindən, ölən və yaralananların sayı daha çox olub. Yaralılar arasında vəziyyəti ağır olanlar var və ölənlərin sayının artacağı istisna olunmur.
Qeyd edək ki, Kərkük iyunun 12-dən peşmərgələrin nəzarətindədir. O vaxtdan şəhərdə terror aktlarının sayında azalma müşahidə olunurdu. Son partlayışlar Kərkükün peşmərgələrin nəzatinə keçməsindən sonra ən böyük terror aktı sayılır.


Story Code: 406407

News Link :
https://www.islamtimes.org/az/news/406407/iraqın-kərkük-şəhərində-törədilmiş-partlayışlar-nəticəsində-23-nəfər-ölüb

Islam Times
  https://www.islamtimes.org