Islam Times - Tiflisdə bir gündə iki partlayış olub

IslamTimes - Gürcüstanın paytaxtı Tiflisdə ötən gecə iki partlayış baş verib. Partlayışlardan biri müxalif Leyboristlər Partiyasının ofisi yaxınlığında qeydə alınıb.

Hadisə nəticəsində yoldan keçən bir qadın həlak olub. Ofisin mühafizəçisi də daxil olmaqla, 5 nəfər isə xəsarət alib. Digər partlayış şəhərin Muxiani mikrorayonunda, mağazalardan birinin yaxınlığında törədilib. Burada xəsarət alan olmayıb, lakin partlayışın gücündən yaxınlıqdakı binalarin pəncərələri qırılıb. Gürcüstan müxalifəti partlayışların ölkənin xüsusi xidmət orqanları tərəfindən təşkil olunduğunu iddia edir. Leyboristlər partiyasının liderlərindən biri İosif Şatberaşvili isə daha irəli gedərək baş verənləri “siyasi məqsədli terror aktı” adlandırıb. Faktlarla bağlı Gürcüstan Daxili İşlər Nazirliyi istintaqa başlayıb. Nazirlik partlayışlarla bağlı hər hansi bir şərh vermək üçün hələ erkən olduğunu bəyan edib. /ans/