0
Monday 15 January 2018 - 09:46

Hindistan müsəlmanları Netanyahunun səfərinə etiraz edir

Story Code : 697390
Hindistan müsəlmanları Netanyahunun səfərinə etiraz edir
İşğalçı İsrail rejiminin baş naziri Benyamin Netanyahu ötən gün 130 nəfərlik heyətlə Hindistana 5 günlük səfər edib.

Maide.Az "İribnews"-a istinadən xəbər verir ki, Hindistan müsəlmanları Netanyahunun gəlişinə görə artıq bir neçə gündür ki, etiraz aksiyası keçirir.

Belə aksiyalardan biri də ötən gün Hindistanın şimalında Kargil şəhərində minlərlə insanın iştirakı ilə baş tutub.

Mənfi 20 dərəcə şaxta olmasına baxmayaraq müsəlman etirazçılar izdihamlı yürüş keçirərək işğalçı rejimin baş nazirinin Hindistana səfərini pisləyib. Onlar “Netanyahu geri dön”, “Netanyahuya ölüm”, “İsrailə ölüm”, “Amerikaya ölüm”, “Netanyahu Qandi ölkəsindən geri dön” şüarları səsləndirib.

Etirazçılar əllərində İmam Xomeyni (rə) və Ayətullah Xameneinin fotolarını və Fələstin bayrağını daşıyıb. Onlar Fələstin xalqının yanında olduqlarını elan edib.

Etirazçılar həmçinin Netanyahunun kuklasını yandırıb.
Source : Maide
Comment