Islam Times - Çavuşoğlu İsrail rejimini lənətlədi - “Qətliamdır”

İslamtimes - Türkiyənin xarici işlər naziri Mövlud Çavuşoğlu Qəzzada İsrail əsgərlərinin fələstinli etirazçıları atəşə tutmasına münasibət bildirib.

“Qafqazinfo” Türkiyə mediasına istinadən xəbər verir ki, Çavuşoğlu İsrailin bu addımını “qətliam” adlandırıb:

“İsrail qüvvələrini və İsrail hökumətini lənətləyirəm. Bu, qətliamdır. Bunun da səbəbkarı ABŞ-dır. Amerika hüquqazidd şəkildə Tel-Əvivdəki səfirliyini Qüdsə köçürdü. Beynəlxalq hüquq normalarını və tarixi reallıqları heç saydılar. Dərhal addımlar atılmalıdır. Fələstinlilər bomba, raket atmırlar ki... Sivil qaydada yürüş edirlər. Belə davam edərsə, bölgə fəlakətə sürüklənəcək”.