Ərəb krallıqlarından biri qapıları suriyalı qaçqınların üzünə bağladı

İslamazeri.com-un rus mediasına istinadən verdiyi xəbərə əsasən, İordaniya krallığı bəyan edib ki, ölkə Suriyadan olan yeni qaçqınları qəbul etmək vəziyyətində deyil.
Krallığın KİV işləri naziri Cuman Qunaymatın sözlərinə görə, ölkə ərazisində hazırda 1,3 milyondan çox suriyalı var və İordaniya “onların qayğısına qalmaq məcburiyyətindədir”.
O qeyd edib ki, hazırda ölkə rəhbərliyi ABŞ və Rusiya ilə aktiv danışıqlar aparır, həmçinin Suriyanın cənubundakı vəziyyəti diqqətlə izləyir.
Bildirilir ki, bu kontaktların məqsədi, İordaniyanın sponsorlarından biri olduğu demilitarizasiya zonalarının saxlanmasını təmin etməkdir.