اسلام ٹائمز - علامہ محسن نجفی کے چہلم میں قائدین کی شرکت

تقریب میں آیت اللہ حافظ بشیر حسین نجفی کے فرزند علامہ شیخ علی نجفی نے عراق سے شرکت کی۔ ان کیساتھ حوزہ علمیہ نجف سے ایک وفد بھی مجلس میں شریک ہوا۔

اسلام ٹائمز۔ جامعۃ الکوثر اسلام آباد میں محسن ملت و مفسیر قرآن علامہ شیخ محسن علی نجفی کے چہلم کے سلسلے میں مجلس ترحیم منعقد ہوئی۔ مجلس ترحیم میں علامہ محسن نجفی اعلیٰ اللہ مقامہ کے خاندان، شاگردان اور علمائے کرام کی بڑی تعداد شریک ہوئی۔ اسلام آباد میں منعقد ہونیوالی تقریب میں آیت اللہ حافظ بشیر حسین نجفی کے فرزند علامہ شیخ علی نجفی نے عراق سے شرکت کی۔ ان کیساتھ حوزہ علمیہ نجف سے ایک وفد بھی مجلس میں شریک ہوا۔ علامہ محسن نجفی کے چہلم کے موقع پر منعقد ہونیوالی مجلس ترحیم میں قائد ملت جعفریہ علامہ ساجد علی نقوی، مجلس وحدت مسلمین کے سربراہ علامہ راجہ ناصر عباس جعفری، علامہ شہنشاہ نقوی، علامہ شبیر میثمی، علامہ افتخار حسین نقوی، علامہ ریاض حسین نجفی سمیت ملک بھر سے علمائے کرام نے شرکت کی اور خطابات کیے۔