اسلام ٹائمز - یوم قرارداد پاکستان و فلسطین کا انعقاد

قرارداد پاکستان و فلسطین کانفرنس سے خطاب میں مقررین کا کہنا تھا کہ فلسطینی نوجوان یہ کہتے ہوئے نظر آتے تھے کہ پاکستان اسلام کا قلعہ ہے، اور پاکستان کا ایٹمی طاقت حاصل کرنا پاکستان ہی نہیں بلکہ فلسطینیوں کی طاقت اور پورے عالم اسلام کی طاقت ہے۔

اسلام ٹائمز۔ امامیہ سٹوڈنٹس آرگنائزیشن پاکستان کے زیراہتمام لاہور میں ۲۳ مارچ کی مناسبت سے یوم قرارداد پاکستان اور فلسطین کا انعقاد کیا گیا۔ کانفرنس میں طلبہ تنظیموں کے قائدین، صحافی، دانشور، وکلا اور شیعہ سنی علمائے کرام نے شرکت کی اور خطاب کیا۔ اس موقع پر مجلس وحدت مسلمین کے رہنما علامہ حسن رضا ہمدانی، مرکزی صدر آئی ایس او پاکستان حسن عارف، ڈاکٹر اسد علی شاہ، لاہور ہائیکورٹ بار کے سیکرٹری صباحت رضوی، صدر ایم ایس ایف سہیل چیمہ، ایم ایس ایف کے سیکرٹری جنرل یوسف عباسی، ایم ایس ایم کے صدر فرحان عزیز، جے ٹی آئی کے رہنما غازی غلام الدین بابر، رانا عثمان بابر، محمد وسیم، جمعیت علمائے اسلام سے حافظ عبدالرحمان، انجمن طلبہ اسلام کے حسنین شاہ اور مفتی عاشق حسین سمیت دیگر نے شرکت کی اور خطاب کیا۔