اسلام ٹائمز - مرکزی کنونشن

اسلام ٹائمز: آئی ایس او پاکستان کے سالانہ مرکزی کنونشن کی تقریبات کا آغاز ہوگیا۔ کنوشن میں ملک بھر سے سینکڑوں کارکن شریک ہیں۔ کنونشن کی تقریبات کا باقاعدہ آغاز شہید ڈاکٹر محمد علی نقوی کے مزار پر اسکاؤٹس سلامی سے ہوا۔

اسلام ٹائمز۔ کنونشن کی افتتاحی تقریب سے خطاب کرتے ہوئے امامیہ اسٹوڈنٹس آرگنائزیشن پاکستان کے مرکزی صدر اطہر عمران طاہر کا کہنا تھا کہ آئی ایس او صالح نوجوانوں کی تنظیم ہے، جو تعلیمی اداروں میں نوجوان نسل کو دین اسلام کی روشنی سے آشنا کرانے میں مصروف عمل ہے۔ انہوں نے کارکنوں سے مخاطب ہوتے ہوئے کہا کہ آپ پر دوسرے نوجوانوں کی نسبت زیادہ ذمہ داریاں عائد ہوتی ہیں۔ اس لئے آپ اپنی زندگیوں کو تعلیمات محمد وآل محمد پر استوار کریں۔ انہوں نے کہا کہ آئی ایس او واحد تنظیم ہے جو تعلیم کے ساتھ ساتھ فلاحی اور سماجی خدمات میں بھی پیش پیش رہی ہے۔