اسلام ٹائمز - بشام واقعہ پاک چین تعلقات اور سی پیک منصوبہ کو متاثر کرنے کی سازش ہے، لیاقت بلوچ

بشام واقعہ پاک چین تعلقات اور سی پیک منصوبہ کو متاثر کرنے کی سازش ہے، لیاقت بلوچ

قائم مقام امیر جماعت اسلامی کا اپنے مذمتی بیان میں کہنا تھا کہ حکومت ملک میں موجود چینی شہریوں کی حفاظت یقینی بنائے، جماعت اسلامی چینی حکومت، عوام اور سفارتخانہ سے تعزیت کرتی ہے، پاک چین تعلقات مضبوط ہیں اور مضبوط رہیں گے۔

اسلام ٹائمز۔ قائم مقام امیر جماعت اسلامی لیاقت بلوچ نے بشام میں ہونیوالے دہشت گردی کے واقعہ کی پرزور مذمت کرتے ہوئے کہا کہ اس واقعہ کی سخت الفاظ میں مذمت کرتے ہیں۔ لیاقت بلوچ کا کہنا تھا کہ حملہ میں چینی شہریوں اور ایک پاکستانی کے جاں بحق ہونے پر افسوس کا اظہار کرتے ہیں، افسوسناک واقعہ کی فوری تفتیش اور ذمہ داران کو کڑی سزا دی جائے۔ لیاقت بلوچ نے کہا کہ واقعہ پاک چین تعلقات اور سی پیک منصوبہ کو متاثر کرنے کی سازش ہے، حکومت ملک میں موجود چینی شہریوں کی حفاظت یقینی بنائے، جماعت اسلامی چینی حکومت، عوام اور سفارتخانہ سے تعزیت کرتی ہے، پاک چین تعلقات مضبوط ہیں اور مضبوط رہیں گے۔