برطانوی وزیر اعظم کی حیثیت سے کام کرنے کی ایک تاریخ کے حامل ڈیوڈ کیمرون نے دعوی کیا کہ ہمیں غزہ تک انسانی ہمدردی کی رسائی کے معاملے پر اب بھی شدید تحفظات لاحق ہیں۔

یہ بتاتے ہوئے کہ وہ اسرائیل کو اسلحہ کیوں برآمد کرتا رہا ڈیوڈ کیمرون نے کہا کہ برطانیہ کا موقف وہی ہے کہ جو لندن کے دیگر بین الاقوامی شراکتداروں کا ہے کیونکہ ابھی تک کسی ہم خیال ملک نے اسرائیل کو ہتھیاروں کی برآمدات کا لائسنس معطل کرنے کا فیصلہ نہیں کیا اور میں یہ کہوں گا کہ اسرائیل برطانیہ کے لئے ایک اہم دفاعی و سکیورٹی پارٹنر ہے جبکہ ہمارا تعاون برطانیہ و اسرائیل کو غیر ملکی خطرات سے محفوظ بنائے گا۔

عرب چینل الجزیرہ کے مطابق برطانیہ نے صرف سال 2022ء میں ہی اسرائیل کو 42 ملین پاؤنڈ (53 ملین ڈالر) کے ہتھیار فروخت کئے ہیں۔

واضح رہے کہ غزہ کے خلاف جاری غاصب اسرائیلی رژیم کے انسانیت سوز حملوں کو 6 ماہ سے زائد کا عرصہ گزر جانے اور بالخصوص یکم اپریل کو ورلڈ سینٹرل کچن آرگنائزیشن کے امدادی قافلے پر تل ابیب کے وحشیانہ حملے کے بعد برطانوی حکومت پر اسرائیل کو اسلحہ برآمد کرنے کا لائسنس منسوخ کرنے کے لئے دباؤ بڑھ گیا ہے۔

اسلام ٹائمز