QR Code

دنیا کے غریب ترین ملک برونڈی میں کئی مہینوں سے بارشیں، 96 ہزار افراد بے گھر

25 Apr 2024 20:53

میڈیا رپورٹ کے مطابق مارچ کے مہینے میں موسم برسات شروع ہونے کے بعد سے کینیا میں تقریباً 45 افراد ہلاک ہو چکے ہیں، مرنے والوں میں وہ 13 افراد بھی شامل ہیں جو رواں ہفتے دارالحکومت نیروبی میں آنے والے سیلاب میں جان سے ہاتھ دھو بیٹھے تھے۔

اسلام ٹائمز۔ موسمیاتی تبدیلی کی وجہ سے آفات نے پوری دنیا کو اپنی زد پہ لے رکھا ہے۔ دنیا کے غریب ترین ممالک میں سے ایک برونڈی میں کئی مہینوں سے جاری بارشوں سے لگ بھگ 96 ہزار افراد بے گھر ہو چکے ہیں۔ میڈیا رپورٹ کے مطابق مارچ کے مہینے میں موسم برسات شروع ہونے کے بعد سے کینیا میں تقریباً 45 افراد ہلاک ہو چکے ہیں، مرنے والوں میں وہ 13 افراد بھی شامل ہیں جو رواں ہفتے دارالحکومت نیروبی میں آنے والے سیلاب میں جان سے ہاتھ دھو بیٹھے تھے۔ طوفانی بارشوں کے بعد سیلاب کے باعث پورے شہر میں افراتفری پھیلی ہوئی ہے، سڑکیں، پل بلاک ہیں اور کچی آبادی والے اضلاع میں گھر زیر آب ہیں جب کہ کینیا کے صدر نے صوررتحال پر قابو پانے کے لیے ہنگامی اجلاس طلب کرلیا ہے۔ ملک بھر میں مزید شدید بارشوں کی پیش گوئی کے باعث شہروں الرٹ رہنے کا کہا گیا ہے جب کہ حکام کا کہنا ہے کہ سب سے زیادہ خطرے والے علاقوں میں رہنے والے لوگوں کو محفوظ مقامات پر منتقل کیا جائے گا۔

خبر کا کوڈ: 1131091