QR Code

کراچی میں پرانی سبزی منڈی پر خودکش دھماکہ، معطل پولیس افسر شفیق تنولی جاں بحق

24 Apr 2014 09:47

اسلام ٹائمز: اس سے قبل بھی دہشتگردوں کیجانب سے شفیق تنولی کو نشانہ بنایا گیا تھا، گزشتہ سال بھی دہشتگردوں نے ان پر حملہ کیا تھا، شفیق تنولی کو کلفٹن میں کارروائی کے بعد معطل کر دیا گیا تھا۔

اسلام ٹائمز۔ شہر قائد میں پرانی سبزی منڈی کے علاقے میں معطل پولیس افسر شفیق تنولی کے گھر پر خود کش حملہ، شفیق تنولی سمیت تین افراد جاں بحق جبکہ 14 افراد زخمی ہوگئے۔ تفصیلات کے مطابق خود کش دھماکے کے بعد پولیس اور امدادی ٹیمیں جائے وقوع پر پہنچ گئیں اور زخمیوں کو قریبی اسپتال منتقل کیا گیا ہے جبکہ پولیس نے علاقے کو گھیرے میں لے لیا ہے اور امدادی کارروائیاں جاری ہیں۔ دھماکا اتنا شدید تھا کہ اس سے قریبی واقع گھروں کو بھی نقصان پہنچا۔ دھماکے میں معطل پولیس افسر شفیق تنولی کا گھر منہدم ہوگیا۔ پولیس کے مطابق حملہ آور نے پولیس کی گاڑی کو نشانہ بنایا۔ اس سے قبل بھی دہشت گردوں کی جانب سے شفیق تنولی کو نشانہ بنایا گیا تھا، گزشتہ سال بھی دہشت گردوں کی جانب سے ان پر حملہ کیا گیا تھا۔ واضح رہے کہ سابق پولیس افسر شفیق تنولی کو کلفٹن میں کارروائی کے بعد معطل کر دیا گیا تھا۔ شفیق موجکو تھانے کی حدود میں تعینات تھے۔

خبر کا کوڈ: 375920