QR Code

عمران خان ایک سال بعد کیوں انتخابات پر سوال اٹھا رہے ہیں، نواز شریف

30 Jul 2014 17:52

اسلام ٹائمز: جدہ میں ن لیگ سعودی عرب کے وفد سے گفتگو کرتے ہوئے وزیر اعظم کا کہنا تھا کہ پاکستان جمہوریت سے ہی آگے بڑھ سکتا ہے، لانگ مارچ کرنے والوں کا ایجنڈہ کیا ہے، وہ کیا چاہتے ہیں۔؟ کھل کر بتاتے بھی نہیں۔

اسلام ٹائمز۔ وزیر اعظم نواز شریف کا کہنا ہے کہ پاکستان جمہوریت سے ہی آگے بڑھ سکتا ہے، لانگ مارچ کرنے والوں کا ایجنڈہ کیا ہے، وہ کیا چاہتے ہیں۔؟ کھل کر بتاتے بھی نہیں، ملک کو درپیش مسائل سے نمٹنے کیلئے معاشی اصلاحات پرکام کر رہے ہیں۔ ن لیگ سعودی عرب کے وفد سے بات کرتے ہوئے وزیر اعظم نواز شریف کا کہنا تھا کہ عام انتخابات میں عام آدمی نے بھی جمہوریت کے حق میں ووٹ دیا ہے، انتخابات کے بعد عمران خان نے کہا تھا تحفظات کے باجود نتائج تسلیم کر رہے ہیں، اب ایک سال مکمل ہونے کے بعد انتخابات پر عمران خان سوال اٹھا رہے ہیں۔ بلوچستان کے بارے میں نواز شریف کا کہنا تھا کہ بلوچستان میں مسائل میں کمی آئی ہے اور حالات بہتری کی جانب بڑھ رہے ہیں۔ ان کا کہنا تھا کہ سعودی عرب میں مقیم پاکستانی اپنے بے گھر بہن بھائیوں کے لیے زیادہ سے زیادہ امداد بھجوائیں۔

خبر کا کوڈ: 402223