QR Code
وزیراعظم سمیت وزراء کیخلاف مقدمے کے اندراج کا حکم حکومت کو کمزور کرنے کے مترادف ہے، سعد رفیق
16 Sep 2014 18:08
اسلام ٹائمز: اپنے ایک بیان میں وزیر ریلوے کا کہنا تھا کہ پاکستان کو نیوکلیئر پاور بنانے کی سزا کاٹ چکے اب پاکستان کو اکنامک پاور بنانے کی کوشش کرنے کی قیمت ادا کر رہے ہیں۔
اسلام ٹائمز۔ وفاقی وزیر ریلوے خواجہ سعد رفیق کا کہنا ہے کہ حکومت کی جانب سے آخری حد تک لچک دکھانے کے باوجود عمران خان اور طاہرالقادری پیچھے ہٹنے کو تیار نہیں ہیں۔ اپنے ایک بیان خواجہ سعد رفیق نے کہا کہ عمران خان اور طاہرالقادری ضد، انا اور جھگڑے کی سیاست کو ملکی مفاد میں خیرباد کہہ کر واپس لوٹ آئیں۔ دھرنے والے غیرملکی ایجنڈے کی تکمیل کے لئے مصنوعی بحران پیدا کر کے وفاقی دارالحکومت میں افراتفری پھیلا رہے ہیں۔ ان کا کہنا تھا کہ قومی املاک پر حملے روکنے کے لئے پولیس کی کارروائی پر وزیراعظم اور ان کی کابینہ کے خلاف مقدمے کے اندراج کا حکم حکومت کو کمزور کرنے کے مترادف ہے۔ پاکستان کو نیوکلیئر پاور بنانے کی سزا کاٹ چکے اب پاکستان کو اکنامک پاور بنانے کی کوشش کرنے کی قیمت ادا کر رہے ہیں۔
خبر کا کوڈ: 410010