QR Code

دردانہ صدیقی نے جماعت اسلامی کی جنرل سیکرٹری کا حلف اٹھا لیا

23 Nov 2014 22:02

اسلام ٹائمز:سابقہ سیکرٹری جنرل عائشہ منور نے نو منتخب قیمہ سے اجتماع عام کے موقع پر ہزاروں خواتین کی موجودگی میں ایک پروقار تقریب میں حلف لیا اور انہیں راہ حق میں استقامت کی دعا دی۔

اسلام ٹائمز۔ نومنتخب سیکریٹری جنرل جماعت اسلامی پاکستان (خواتین) دردانہ صدیقی نے اپنی ذمہ داری کا حلف اٹھا لیا، سابقہ سیکرٹری جنرل عائشہ منور نے نو منتخب قیمہ سے اجتماع عام کے موقع پر ہزاروں خواتین کی موجودگی میں ایک پروقار تقریب میں حلف لیا اور انہیں راہ حق میں استقامت کی دعا دی۔ اس موقع پر شرکاء خواتین نے بھی دردانہ صدیقی کے لئے نیک خواہشات کا اظہار کیا۔ دردانہ رحمان نے اپنے خطاب میں کہا کہ وہ الٰہی پیغام کو دیگر خواتین تک پہنچانے میں اپنا بھرپور کردار ادا کریں گے۔ انہوں نے کہا کہ ایک مرد کی تربیت ایک فرد کی تربیت ہوتی ہے جبکہ ایک خاتون کی تربیت پورے گھرانے کی تربیت ہوتی ہے، ہم خواتین کی تربیت اسلام کے زریں اصولوں پر کریں گی تاکہ استعمار کی ثقافتی یلغار کا مقابلہ کر سکیں۔

خبر کا کوڈ: 421069