0
Thursday 26 Apr 2018 20:17

کرم ایجنسی، علاقہ بدر خاتون کی تدفین پر تنازعہ، فائرنگ کے نتیجے میں 2 افراد زخمی

کرم ایجنسی، علاقہ بدر خاتون کی تدفین پر تنازعہ، فائرنگ کے نتیجے میں 2 افراد زخمی
اسلام ٹائمز۔ کرم ایجنسی کے علاقے وچہ درہ میں علاقہ بدر خاتون کی تدفین پر تنازعہ کے نتیجے میں فائرنگ کے واقعہ میں دو افراد زخمی ہوگئے۔ حاجی جمعہ خان، ملک کریم شاہ اور دیگر مقامی عمائدین کا پاراچنار پریس کلب میں ایک پریس کانفرنس کے دوران کہنا تھا کہ خلیل قبیلے سے تعلق رکھنے والی متوفیہ ایک قاتلہ تھی، جسے جرگہ نے 1993ء میں علاقہ بدر کرتے ہوئے علاقہ میں اس کی تدفین کی ممانعت کا بھی فیصلہ کیا تھا۔ انہوں نے کہا کہ گذشتہ روز خاتون کے انتقال پر اس کے لواحقین کو جرگہ کے فیصلے کے مطابق علاقائی قبرستان میں اس کی تدفین سے منع کیا گیا تو انہوں نے فائرنگ کر دی، جس کے نتیجے میں دو افراد زخمی ہوگئے۔ ان کا کہنا تھا کہ بعض مقامی لوگ علاقہ میں امن و امان کی صورتحال خراب کرنے کیلئے اس طرح کی حرکتیں اور علاقائی رسوم و رواج سے انحراف کرتے ہیں۔ انہوں نے انتظامیہ سے مطالبہ کیا کہ جرگہ کی خلاف ورزی اور فائرنگ کے واقعے کا نوٹس لیتے ہوئے ملوث افراد کے خلاف کارروائی کی جائے۔
خبر کا کوڈ : 720723
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش