اسلام ٹائمز۔ سعودی سفیرسعیدالمالکی نے آرمڈ فورسزانسٹی ٹیوٹ آف ری ہیبیلیٹیشن میڈیسن راولپنڈی کا دورہ کیا اور زخمی فوجیوں سے ملاقات کی۔ آئی ایس پی آر کے مطابق سعودی سفیر سعیدالمالکی نے آرمڈ فورسزانسٹی ٹیوٹ آف ری ہیبیلیٹیشن میڈیسن راولپنڈی کے دورے کے موقع پر آپریشنز میں زخمی ہونے والے فوجیوں سے ملاقات کی اور ان کے جذبے اور قربانیوں کو سراہا۔ اس موقع پر فوجی افسران بھی ان کے ہمراہ تھے جنہوں نے مختلف آپریشنز پر سعودی سفیر کو بریفنگ دی۔