اسلام ٹائمز۔ پیپلز پارٹی کراچی کے رہنما سعید غنی کا کہنا ہے کہ کراچی میں تاریخ میں پہلی بار عام انتخابات شفاف ترین الیکشن ہوں گے اور پاکستان پیپلز پارٹی کراچی کی سب سے بڑی سیاسی جماعت بن کر ابھرے گی۔ تفصیلات کے مطابق کراچی میں میڈیا سے گفتگو کرتے ہوئے سعید غنی کا کہنا تھا کہ عام انتخابات 2018ء اپنے مقررہ وقت پر ہوں گے اور پاکستان پیپلز پارٹی کراچی سے 50 فیصد سے زائد سیٹیں جیتے گی، سب ملکر بھی پیپلز پارٹی کا مقابلہ نہیں کر سکتے۔ ان کا مزید کہنا تھا کہ الیکشن میں ایم کیو ایم کی ووٹ مشین اس بار کام نہیں کر سکے گی، اس بار تاریخ کے شفاف ترین الیکشن ہوں گے اور پیپلز پارٹی کراچی کی سب سے بڑی سیاسی جماعت بن کر ابھرے گی۔