500 İngiltərə vətəndaşı İŞİD-ə qoşulub

ANS PRESS-in məlumatına görə, Kameron İraq və Şam İslam Dövləti qruplaşmasının Birləşmiş Krallıq üçün çox böyük təhlükə mənbəyi olduğunu açıqlayıb.
Onun sözlərinə görə, İŞİD indiyə kimi İngiltərə üçün olan bütün təhlükələrdən ən böyüyüdür:
"İngiltərə vətəndaşlarından ən azı 500-nün Suriya və İraqa döyüşməyə getmiş ola biləcəyinə inanırıq. Xalqımızın təhlükəsizliyi üçün lazım olan hər şeyi, hər zaman edəcəyik. İngiltərə dünyadakı ən keyfiyyətli və güclü təhlükəsizlik və kəşfiyyat xidmətlərinə sahibdir. Lazım olan yerdə və zamanda operativ əməliyyatlar təşkil edəcəyik. Şübhəlilərin ölkəyə girməsini əngəlləmək üçün onların pasportları onlardan alınır və vətəndaşlıqdan mərhum edilir. Xaricdə həyata keçirilən bütün terror aktlarında iştirak edən ölkə vətəndaşları qanun qarşısında cavab verməli olacaq".