اسلام ٹائمز۔ امریکہ کے خفیہ ادارے سی آئی اے کے سابق ٹیکنیکل اسسٹنٹ ایڈورڈ سنوڈن نے دنیا کو خبردار کیا ہے کہ گوگل، فیس بک اور ڈراپ باکس لوگوں کی جاسوسی میں مصروف ہیں، خفیہ معلوموت اور ذاتی ڈیٹا کو ان انٹرنیٹ کمپنیوں سے دور رکھا جائے، ٹیک کرنچ ویب سائٹ کی رپورٹ کے مطابق آن لائن انٹرویو میں سنوڈن کا کہنا تھا کہ انٹرنیٹ قوانین میں ترامیم کی ضرورت ہے کہ تاکہ حکومت لوگوں کی نجی زندگی میں مداخلت نہ کر سکے۔ ان کا کہنا تھا کہ گوگل اور فیس بک انٹرنیٹ کی دنیا کی خطر ناک ترین سروسز میں سے ہیں جن سے دور رہنا چاہیے۔