0
Monday 16 Dec 2013 02:34

علامہ ناصر عباس کی میت گورنر ہائوس کے باہر پہنچ گئی، دھرنا شروع

علامہ ناصر عباس کی میت گورنر ہائوس کے باہر پہنچ گئی، دھرنا شروع
اسلام ٹائمز۔ طویل جلوس کی شکل میں علامہ ناصر عباس کی میت گورنر ہائوس کے باہر مال روڈ پر پہنچ گئی، جہاں مجلس وحدت مسلمین، عزاداری کونسل پاکستان، امامیہ اسٹوڈنٹس آرگنائزیشن اور دیگر شیعہ تنظیموں کے ہزاروں کارکن جمع ہوچکے ہیں جبکہ مظاہرین کی آمد کا سلسلہ جاری ہے۔ شیخ زید ہسپتال سے گورنر ہائوس آنے والے جلوس کی قیادت مجلس وحدت مسلمین کے مرکزی رہنما علامہ ابوذر مہدوی اور علامہ امتیاز کاظمی کر رہے تھے۔ کارکنوں نے میت گورنر ہائوس کے باہر رکھ کر روڈ کو چاروں طرف سے بلاک کر دیا ہے جبکہ اس موقع پر پولیس کی بھاری نفری بھی تعینات ہے۔ کارکن پنجاب حکومت، رانا ثناءاللہ اور دہشتگردوں کے خلاف نعرے لگا رہے ہیں۔ لاہور کی فضا اس وقت لبیک یاحسین، لبیک یاحسین کے نعروں سے گونج رہی ہے۔ سخت سردی کے باوجود مظاہرین کی ایک بڑی تعداد گورنر ہائوس کے باہر جمع ہو رہی ہے جبکہ مزید افراد کی آمد کا سلسلہ جاری ہے۔ مظاہرین میں مرد، خواتین، بچے اور بزرگ شامل ہیں اور سب کی زبان پر ایک ہی نعرہ ہے کہ علامہ ناصر عباس کے قاتلوں کو فوری طور پر گرفتار کیا جائے۔ مظاہرین وزیر قانون پنجاب رانا ثناءاللہ کی معزولی کا بھی مطالبہ کر رہے ہیں۔
خبر کا کوڈ : 331005
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش