Kreml: Terrora qarşı ikili standart siyasəti yürüdərək mübarizə aparmaq olmaz

APA-nın “RİA Novosti”yə istinadən xəbərinə görə, bunu Rusiya Prezident Administrasiyasının rəhbəri Sergey İvanov bildirib.  
"Çeçenistanda müharibə olarkən biz açıq şəkildə bəyan etdik ki, terrorizm və ekstremizm yalnız Rusiyanın problemi deyil. O zamandan bəri artıq on il keçib, bu gün vəziyyət nə yerdədir? Məncə, dünən Ottavada baş verənlər buna sübutdur.  Terrorizmlə mübarizə o zaman müsbət nəticə verər ki, buna qarşı mübarizə səyləri birləşdirilsin və ikili standartlar aradan qaldırılsın” - deyə İvanov qeyd edib.