عدالتوں کے ججوں کو للکار کر انصاف حاصل نہیں کیا جاتا، برجیس طاہر

اسلام ٹائمز۔ وفاقی وزیر برائے امور کشمیر و گلگت بلتستان چوہدری محمد برجیس طاہر نے کہا ہے کہ عمران خان جس انداز سے ریاستی اداروں سے ٹکراو کی پالیسی پر عمل پیرا ہیں وہ قابل افسوس ہے۔ آج وہ جس انداز سے سپریم کورٹ کو للکار رہے ہیں وہ مہذب رویے کی عکاسی نہیں کرتا۔ انصاف اس طرح عدالتوں کے سامنے مجمع اکٹھا کر کے اور عدالتوں کے ججوں کو للکار کر حاصل نہیں کیا جاتا۔ انہوں نے کہا کہ اگر عمران خان انصاف کے طالب ہیں تو دستور اور آئین کے مطابق انصاف قانونی تقاضوں کو پورا کرنا ہوگا، چیخنے اور چلانے سے انصاف کہیں نہیں ملتا۔