NATO yerli vətəndaşları vurdu: 12 ölü, 13 yaralı

Axar.az “Anadolu Agentliyi”nə istinadən xəbər verir ki, Kunar qubernatoru Şuca Almülk Cəlalə verdiyi açıqlamada Narang mahalında dünən başlayan hərbi əməliyyat əsnasında Taliban yaraqlılarının hücumuna məruz qalan əfqan və beynəlxalq qüvvələrə aid əsgərlərin NATO-dan hava dəstəyi istədiyini bildirib.
Cəlalə Əfqanıstanda olan NATO qüvvələri tərəfindən əməliyyat bölgəsinə təşkil edilən hava hücumunda 4-ü uşaq, 3-ü qadın olmaqla 12 yerli vətəndaşın həlak olduğunu, 13 vətəndaşın isə yaralandığı qeyd edib.
Hücumda 2 yaraqlının da öldüyünü açıqlayan Cəlalə Narang mahalında tez-tez əfqan qüvvələri və yaraqlılar arasında qarşıdurmalar olduğunu bildirib.
Əfqanıstandakı NATO qüvvələri isə hadisə ilə bağlı hələ ki, heç bir açıqlama verməyib.