QR CodeQR Code

Sionist rejimi xüsusi intiqam gözləyir

Maide.az , 25 Jan 2015 15:30

İslamtimes - Hizbullah və Sepah tarixdə göstərib ki, heç bir əməli cavabsız və intiqamsız qoymayıb. Sionist rejimin Quneytəradakı sonuncu hücumunun xüsusi intiqamı olacaq. Bu sözləri İran İslam İnqilabı Kçeikçiləri Korpsunun (Sepah) komandirinin müavini Hüseyn Salami şənbə günü Əl-Aləm kanalına müsahibəsində deyib.


Maide-nin məlumatına görə,H.Salami deyib ki, Sionist rejimə qarşı Qərb Şəriyədə yeni cəbhə açmaq, Fələstin və Livan cihadçı qrupları dəstəkləmək, Sionist rejim və Fələstinlə sərhəd zonalarda yaşayan müsəlmanlar üçün yeni müdafiə infrastrukturu və potensialı yaratmaq bizim keçmişdən indiyədək və gələcəkdə də davam etdiriləcək siyasətlərimizdir, lakin Quneytəra bölgəsində İsrail helikopterlərinin Hizbullaha məxsus nəqliyyat vasitələrinə hücumuna xüsusi cavab verəcəyik. “İntiqamı İran alacaq yoxsa Müqavimət Qüvvələri, necə alacaq və harada, bunları elan etmək istəmirik və bu iş mütləq baş tutacaq”.

O, deyib ki, bir gün sionistlər bizim nüvə alimlərimizi terror edirdilər və biz onların bu terrorlarının cavabını verdik. “Yalnız onlar özləri bilir ki, biz onlara necə və harada cavab verdik. Bİz demirik, amma onların özləri bunu yaxşı bilirlər. Biz onlara layiqli cavab verdikdən sonra bizim nüvə alimlərimizi terror etməkdən əl çəkdilər”.

Regionda Qərb ölkələri və sionistlər üçün yeni həqiqət

H.Salami müsahibəsinin davamında deyib ki, Amerikalılar, sionistlər, avropalılar və onların regiondakı müttəfiqləri regionda yeni bir həqiqəti görürlər. “Həqiqət budur ki, onlar çoxlu vəsait xərcləmələrinə, ideoloji və dini ittihamlar irəli sürmələrinə, hərbi dəstək və ittifaqlar yaratmaqlarına baxmaayraq artıq bu regionda təhlükəsizlik və siyasi proseslərdə əsaslı rol oynaya bilmirlər”.

Yəməndə baş verən proseslər ABŞ-ın xeyrinə deyil

H. Salami Yəməndə baş verən hadisələr toxunub və bu proseslərin ABŞ-ın xeyrinə olmadığını vurğulayıb. “Yəməndə baş verən proseslər İslam İnqilabından ilham alan qüvvələr tərəfindən baş verir və onların proseslərdə rolu böyükdür. Bu ABŞ və onun regiondakı müttəfiqlərinin siyasi mənafelərinə ziddir. Yəməndəki proseslər heç vaxt ABŞ maraqlarına uyğun irəliləməyəcək. Bəhreyndə də inqilab alovları alışıb və heç vaxt sönməyəcək bu da ABŞ maraqlarına ziddir. ABŞ-ın Bəhreyndə stratejik bazası yerləşir. ABŞ narahatedici yeni bir halla üzləşmək üzrədir.Onlar özləri və İslam İnqilabı arasında güc balansının itirdiklərini hiss edirlər ”.

İranlı general deyib ki, biz ABŞ-ın regiondakı siyasətləri ilə müxalifik və bütün mümkin vasitələrdən istifadə edərək onların bu siyasətlərinin və strategiyalarının uğur qazanmasına mane oluruq və bu həqiqəti elan etməkdən də heç çəkinmirik. “Bizim Amerika ilə strateji üzləşmə meydanımız açıq meydandır. Biz bu mübarizəmizi Amerikalılar İslam Dünyasında (Müsəlman ölkələrdə) faktlar və reallıqları rəsmiyyətə tanıyana kimi davam etdirəcəyik. Nə qədər ki, onlar İslam Dünyasını öz regional siyasətləri xeyrinə oyun meydanına çevirəcəklər , biz İslam Dünyasında mövcud bütün potensialları onların əleyhinə səfərbər edəcəyik.”


Story Code: 435094

News Link :
https://www.islamtimes.org/az/article/435094/sionist-rejimi-xüsusi-intiqam-gözləyir

Islam Times
  https://www.islamtimes.org