Islam Times - Ramazan tövsiyələri: Nəfsin təmizlənməsində təsirli olan amillər

İslamtimes - Mübarək Ramazan ayında oruc tutmaq, Quranla ünsiyyətdə olmaq, duaları, xüsusilə də “Səhifeye-Səccadiyyə” kitabındakı duaları oxumaq, nafilə namazlarının qılınmasına səy göstərmək nəfsin təmizlənməsində təsirli olan digər amillərdir.

Bəzi şəxslərin fərdi və ictimai həyatın müxtəlif sferalarında səhvə yol verməsinin səbəbi onların düçar olduğu günahlardır. Odur ki həyatın eniş-yoxuşlarında büdrəməmək üçün gənclik dövründə günahlardan uzaqlaşmağa səy göstərmək çox əhəmiyyətlidir. Mübarək Ramazan ayı xüsusi bir saflıq, mənəviyyat, sidq və ixlas atmosferinə malik bir aydır. Hər kəsə bu bərəkətli aydan maksimum dərəcədə faydalanmağı, Allah-Taala ilə aralarında olan rabitəni möhkəmləndirməyi, ictimai münasibətlərdə nikbinlik, etimad, sevgi və xeyirxahlıq əhval-ruhiyyəsini artırmağı tövsiyə edirəm.

Ali Rəhbər Ayətullah Seyid Əli Xamenei