0
Saturday 19 April 2014 - 07:58

Suriyada kimyəvi silahdan istifadədə ABŞ-ın rolu

Story Code : 373690
Suriyada kimyəvi silahdan istifadədə ABŞ-ın rolu
Ağ Ev elə bir zamanda bu bəyanatı verir ki, həmin yalan ittiham əsasında Suriyaya müharibə planı hazırlandı, Dəməşq bombalanmaqla təhdid edildi, hətta Fransanın sosialist partiyası bu hücuma dəstək verdi. Dünyada mövcud ictimai fikir səbəb olub ki, ABŞ və Fransa Suriyaya hücum fikrini həyata keçirə bilməyib. ABŞ-ın Dəməşqi kimyəvi silahdan istifadədə ittiham etməsi necə izah olunur? BMT ABŞ-ın yalan məlumatlarına əsaslanaraq, Suriyada tərkisilah proqramı həyata keçirir. ABŞ Milli Təhlükəsizlik Şurası etiraf edib ki, Dəməşqin kimyəvi silahdan istifadə ehtimalını təsdiq edən dəlillər yoxdur.

ABŞ Milli Təhlükəsizlik Şurasının sözçüsü elan edib ki, hazırda Amerika kimyəvi silahla bağlı ittihamı sübuta yetirəcək dəlillərə malik deyil. O deyib: “Biz bu məsələyə ciddi yanaşırıq, eyni zamanda BMT-nin Suriyada kimyəvi silahın ləğvi tədbirlərini dəstəkləyirik.” Hansı ki, Vaşinqton ötən il məhz kimyəvi silah bəhanəsi ilə Suriyaya hücum etmək istəyirdi. Hansı ki, kimyəvi silah Suriya ərazisinə Türkiyədən daxil olur və terrorçuların ixtiyarına verilirdi. Terrorçular Qərb-ərəb Birliyinin silah təchizatı sayəsində Suriyada qətliamları davam etdirir. Kimyəvi silahı Suriyadan çıxarmağa məsul olan qüvvələrin sözçüsü bəyan edib ki, bu iş əvvəlcədən nəzərdə tutulmuş proqram əsasında həyata keçiriləcək.

Bu məsul şəxs deyib: “Kimyəvi maddələrin daşınması əməliyyatı müəyyən razılaşmalardan sonra yenidən start götürüb və iş səviyyəsi qənaətbəxşdir.”

BMT-nin və kimyəvi silahdan istifadəyə qadağa təşkilatının müştərək qrup başçısı Misirin xarici işlər naziri ilə Qahirədə görüşdə deyib: “Suriyadan kimyəvi silahların çıxarılmasında texniki və siyasi problemlərimiz var. İşdə müəyyən təxirlər yaranıb.” O deyib ki, Təhlükəsizlik Şurasının 2118-ci qətnaməsinə əsasən bu proqram həyata keçirilir. Misir xarici işlər naziri Suriyada tərki silahın Yaxın Şərqdə kütləvi qırğın silahlaının ləğvinə kömək edəcəyini deyib. Suriya xarici işləf naziri Feysəl Miqdad deyib ki, terrorçular və onları himayə edənlər tərki-silah proqramının icrasına mane olurlar. BMT elan edib ki, Suriyada vəziyyətin gərginliyi bu işin tezləşdirilməsini tələb edir. Sky News agentliyi Suriyada yeni kimyəvi hücumdan və 100 nəfərin yaralanmasından xəbər verir.

Suriya rəsmi televiziya şəbəkəsi də Ən-Nüsrə cəbhəsini zəhərli qazdan istifadədə ittiham edib. Bildirilir ki, Ən-nüsrə cəbhəsi İdlib vilayətində yeni kimyəvi hücuma hazırlaşır.
Comment