0
Wednesday 6 July 2022 - 08:45

İran və Azərbaycan birgə layihələr icra edir

Story Code : 1003009
İran və Azərbaycan birgə layihələr icra edir
Axar.az-ın məlumatına görə, bunu İranın energetika naziri Əli Əkbər Mehrabian Bakıda Heydər Əliyev adına beynəlxalq aeroportda jurnalistlərə verdiyi açıqlamada deyib.

Ə.Mehrabianın sözlərinə görə, səfər çərçivəsində Xudafərin və Qız Qalası hidroqovşaqları və su elektrik stansiyaları haqda müzakirələr aparılacaq. Həmçinin iki ölkə arasında əməkdaşlıq sənədinin imzalanması nəzərdə tutulub.

Mehrabian əlavə edib ki, müxtəlif sahələrdə, o cümlədən bərpa olunan enerjilər, İran, Azərbaycan və Rusiyanın elektrik şəbəkəsinin birləşdirilməsi və digər maraq doğuran sahələrdə danışıqlar aparılacaq.

İranlı nazir deyib ki, İranın hazırkı hökumətinin prioritetlərindən biri qonşu ölkələrlə əlaqələrin inkişaf etdirilməsidir. Azərbaycan İranın yaxşı qonşularından biridir və iki ölkə rəsmiləri arasında çoxlu sayda görüşlər iki tərəfin əməkdaşlığı hərtərəfli şəkildə inkişaf etdirmək üçün ciddi iradəyə sahib olduğunu göstərir.