Çindən mesaj – “Bu, sizi məhvə, ölkənizi isə fəalkətə aparacaq”
3 Aug 2022 17:39
İslamTimes: “Xarici güclərlə müstəqillik axtarmaq sizin məhvinizə, Tayvanı isə fəlakətə aparacaq”.
Teleqraf.com xəbər verir ki, bunu Çin Dövlət Şurasının Tayvanla Əlaqələr Departamentinin sözçüsü Ma Syoquan Tayvan lideri Tsay İnq-venə göndərdiyi mesajda deyib.
ABŞ Nümayəndələr Palatasının sədri Nensi Pelosinin Tayvana səfərindən sonra ada hökumətinə xəbərdarlıq edən Çin rəsmisi bildirib ki, Tayvanın atdığı addımlar fəlakətlə başa çatacaq.
“Tsay İnq-ven və Demokratik İnkişaf Partiyasına (DPP) xəbərdarlıq edirik: təxribat xarakterli hərəkətlərlə və xarici güclərlə birlikdə “müstəqillik” axtarışları sizi məhvə, Tayvanı fəlakətə aparacaq”, - Syoquan bildirib.
Bəyanat Pelosi və onun nümayəndə heyətinin səhər saatlarında Tayvan lideri ilə görüşündən sonra verilib.
Story Code: 1007438