Çin: Amerika bilməlidir ki, odla oynamağın sonu yanmaqdır

Fransa xəbər agentliyinin məlumatına görə, Amerika nümayəndə heyəti ABŞ Nümayəndələr Palatasının spikeri Nensi Pelosinin səfərindən 12 gün sonra Tayvana yenidən səfər edib.

Xinhua xəbər agentliyi Çin hökumətinin səfərə cavab olaraq "Amerika rəsmiləri odla oynamağı dayandırmalıdır" başlıqlı bəyanat yaydığını yazıb.

Bəyanatda hazırda Tayvanda olan Amerika nümayəndə heyəti “fürsətçilər” kimi tanıtdırılıb. Tayvanda noyabrda keçiriləcək seçkilərə az bir zaman qaldığından ABŞ-ın öz mənafeini təmin etmək ardınca olduğu bildirilir.