İran: Hər gün çoxlu sayda əfqanıstanlı miqrant ölkəyə daxil olur, bizə kömək edən yoxdur
27 Sep 2022 23:47
İslamTimes: İran hər gün çoxlu sayda əfqan miqrantın ölkəyə keçdiyini, BMT isə onlara humanitar yardım göstərmədiyini bildirib.
SalamNews Tasnim-ə istinadən xəbər verir ki, bunu İranın xarici işlər naziri Hüseyn Əmir Abdullahiyan deyib.
Abdullahiyan deyib: “İranda 5 milyona yaxın əfqan mühacir yaşayır və çoxlu sayda hər gün sərhədi keçərək ölkəyə daxil olur, lakin bunun üçün BMT-dən heç bir humanitar yardım yoxdur.”
İranlı nazirin açıqlaması Birləşmiş Millətlər Təşkilatının Baş Assambleyasının Nyu-Yorkda keçirilən 77-ci iclası çərçivəsində Birləşmiş Millətlər Təşkilatının humanitar məsələlər üzrə koordinatoru Martin Qriffitslə görüşündə səsləndirilib.
Görüşdə tərəflər Yəmən, Əfqanıstan, Suriya və Ukrayna xalqlarının humanitar vəziyyətini də müzakirə ediblər.
Story Code: 1016490