Islam Times - Mask «Ukraynanın qələbəsinə» inanmadığını bildirib

İslamTimes: Sahibkar İlon Mask bildirib ki, Rusiya səfərbərlik elan edəcəyi təqdirdə, Ukraynanın qələbəsi inandırıcı görünmür.

SalamNews "TASS"a istinadla verdiyi xəbərə görə, bu fikirləri o, öz “Twitter” səhifəsində yazıb.

"Rusiya qismən səfərbərlik elan edib. Krıma təhlükə yaranarsa, tam səfərbərlik həyata keçirəcəklər. Hər iki tərəfdən ölüm dağıdıcı olacaq. Rusiyanın əhalisi Ukrayna əhalisindən üç dəfə çoxdur, ona görə də hərtərəfli müharibədə çətin ki, Ukrayna qələbə qazansın. Əgər Ukrayna xalqına görə narahatsınızsa, sülh axtarın", deyə Mask qeyd edib.

Bundan öncə Mask "Twitter"də Ukraynada sülh prosesi ilə bağlı sorğu keçirib.