Islam Times - BMT: İsveçrənin irqçiliklə bağlı problemləri var

İslamTimes: BMT İnsan Haqları Şurasına təqdim edilən hesabata görə, İsveçrənin afrikalılara qarşı irqçiliklə bağlı ciddi struktur problemləri var.

Bu hesabatda polis vəhşiliyindən tutmuş uşaq oyunlarına qədər problemlər qeyd olunub.

Reuters xəbər agentliyinin verdiyi məlumata görə, BMT-nin təyin etdiyi qrupun bu il İsveçrəyə səfərindən sonra məlum olub ki, bu ölkə irçiliklə bağlı ciddi problemlər yaşayır.

BMT nümayəndələri hələ də İsveçrədə irqi ayrı-seçkiliyin mövcudluğunun davam etdiyini və bu mövzu ilə bağlı İsveçrədə baş verən bir neçə insidenti diqqətə çatdırıblar.

Bu qrup bildirib ki, “Qanunsuzluğun yayılması və cəzasız qalması İsveçrədə ciddi struktur probleminin olduğunu göstərir”.