Islam Times - Ankara: Vaşinqton kürd silahlılarına yardımı dayandırmalıdır

İslamTimes: Türkiyənin müdafiə naziri Suriya kürd silahlılarının “PKK” terror qruplaşmasının bir qolu olduğunu bəyan edərək, ABŞ və Ankaranın digər müttəfiqlərindən onlara hərbi dəstəyi dayandırmağı xahiş edib.

Türkiyə prezidenti Rəcəb Tayyib Ərdoğanın Suriyanın şimalında quru əməliyyatına başlamağa hazırlaşdığı barədə bəyanatından sonra Ankara Suriya kürd silahlılarına qarşı hücumların artdığını açıqlayıb.

Türkiyənin müdafiə naziri Hulusi Akar çərşənbə axşamı axşam Suriyanın şimalında əməliyyatları gücləndirəcəyini vəd edərək, ABŞ-dan YPG kimi tanınan Suriya kürd silahlılarına hərbi dəstəyi dayandırmağı xahiş edib.

Reuters” xəbər agentliyinin məlumatına görə, Akar Türkiyə parlamentinin komitəsində çıxışı zamanı deyib: “Biz bütün səviyyələrdə tərəfdaşlarımıza, xüsusən də ABŞ-a YPG-nin PKK ilə eyni olduğunu xəbərdarlıq etmişdik."

O sözlərinin davamında, Amerikanın terrorçulara verdiyi dəstəyə toxunaraq, terorçulara verdikləri hər cür yardımı dayandırmaq tələblərində israr etdiklərini bəyan edib.