0
Tuesday 24 January 2023 - 16:43

Türkiyə Gənclər Birliyi Ankaranın NATO-dan çıxmasını tələb edib

Story Code : 1037405
Türkiyə Gənclər Birliyi Ankaranın NATO-dan çıxmasını tələb edib
Bu barədə “Ulusal Kanal” telekanalı şəkillərini dərc edərək məlumat yayıb. Türkiyə Gənclər Birliyi Ankarada mitinq keçirərək Türkiyənin NATO hərbi təşkilatından çıxmasını tələb edib.

Ukraynada müharibənin davam etməsi və onun NATO üzvlərinə baha başa gəlməsi ilə son həftələr Amerika və Avropa küçələrində NATO və müharibə əleyhinə şüarlar səslənir.

Ötən həftə yüzlərlə amerikalı NATO və ABŞ hökumətinin Ukraynaya hərbi və maliyyə dəstəyinə etiraz etmək üçün toplaşıb.

Etirazçılar Bayden hökumətinin Ukraynadakı müharibəyə maliyyə dəstəyinin dərhal dayandırılmasını və bu böyük məbləğdə pulların Amerikanın özündə təhsil və mənzil kimi sosial xidmətlərə ayrılmasını tələb ediblər.

Amerika mətbuatının yazdığına görə, bu ölkənin hökuməti Ukraynada müharibə başlayandan bəri Ukraynaya 100 milyard dollara yaxın maliyyə və hərbi yardım edib.