Islam Times - Sionist etirazçılar: Netanyahuya güvənmirik!

İslamTimes: İsrail baş nazirinin sözdə məhkəmə islahatları planını dayandırmaq qərarını açıqlamasına baxmayaraq, onun əleyhdarları plan tamamilə dayandırılana qədər küçələrdə qalacaqlarını və Netanyahuya etibar etmədiklərini açıqlayıblar.

Sionist rejimin media mənbələrinin məlumatına görə, sionist rejimin baş naziri Benyamin Netanyahunun müxalifləri onun məhkəmə islahatı planını dayandırmaq qərarına güvənmir və bu planın tamamilə ləğv edilməsinə qədər öz etirazlarını davam etdirəcəklərini açıqlayıblar.

Sionist “I24” bazasının hesabatına əsasən, İşğal olunmuş ərazilərdə etiraz aksiyalarının təşkilatçıları bildiriblər ki, Netanyahunun məhkəmə islahatları planını dayandırmaq qərarını elan etməsinə baxmayaraq, ona etibar etmirlər.

Onlar Netanyahunun planı dayandırmaq qərarının müvəqqəti olduğunu və müttəfiqləri ilə daha geniş konsensus əldə etməyə ümid etdiyi üçün bu açıqlamanı verdiyini düşünürlər. Etirazçılar Netanyahunun bu yolu yenidən təkrarlayacağını deyiblər.

İşğal olunmuş ərazidə etiraz hərəkatının liderlərindən biri Netanyahunun dünənki çıxışından sonra məhkəmə islahatları planının dayandırılması ilə bağlı deyib: "Baş nazirin və onun ekstremist tərəfdaşlarının bəyanatları İsrailin iqtisadiyyatına və təhlükəsizliyinə zərər vuracaq diktatura qanunlarını Knessetin qarşıdakı sessiyasının gündəliyinə qaytarmaq əzminin təsdiqidir."