Fransa Ukraynaya da “sataşdı” – Kiyevdən sərt cavab

Teleqraf.com xəbər verir ki, bunu Ukrayna baş naziri Denis Şmıqal deyib.

Onun sözlərinə görə, Kiyev Aİ-yə tamhüquqlu üzvlüyə namizəd olmağa can atır.

Fransa və Almaniya Aİ-yə tam üzvlüyün alternativ variantında israrlıdır. Bu, tədrici inteqrasiyanı nəzərdə tutur. Şmıqal Ukraynanın bu variantla razılaşmayacağını açıq şəkildə bildirdiyini söyləyib.

“Ukraynanın Avropa İttifaqının tamhüquqlu üzvü olması üçün hər cür səy göstəririk”, - baş nazir qeyd edib.

Şmıqal iki il ərzində Kiyevin Aİ-yə üzv olmağa tam hazır olacağına inandığını deyib. Eyni zamanda əlavə edib ki, Ukraynanın üzvlüyünün lehinə unikal arqumentləri var.