Rusiyaya görə bəziləri bizə qorxaq deyir – Sallivan

Axar.az xəbər verir ki, bu sözləri ABŞ Prezidentinin milli təhlükəsizlik üzrə köməkçisi Ceyk Sallivan deyib.

Sallivan bildirib ki, ABŞ Ukraynaya dəstəyə görə Rusiya ilə birbaşa eskalasiya təhlükəsini istisna etmir:

“Amma biz Kiyevə hərbi yardımı dayandırmayacağıq”.

Onun sözlərinə görə, ABŞ-da Ukraynaya yardımla bağlı fikir ayrılığı mövcuddur:

“Bəziləri deyir ki, Rusiyanın eskalasiyasını və ya nüvə silahından istifadə edəcəyini düşünürsünüzsə, qorxaqsınız. Bu barədə necə düşünə bilərsən? Digərləri isə bildirir ki, Ukraynaya kömək etməyə ehtiyac yoxdur, çünki bu avtomatik olaraq Üçüncü Dünya müharibəsinin baş verəcəyi anlamına gəlir”.

O vurğulayıb ki, cavab orta yoldur:

“Biz mümkün eskalasiyanı düşünməli və qiymətləndirməliyik. Digər tərəfdən, biz bununla iflic olmamalıyıq. Ukraynaya göndərdiyimiz külli miqdarda müasir silahları nəzərə alsaq, bununla iflic olmadıq. Bəli, biz verdiyimiz dəstəyin nəticələrini, onun həcmini və miqyasını düşünürük. Lakin bu, Ukraynanın uğuru üçün lazım bildiyimiz hər şeyi etməyə mane olmur”