İran İslam Respublikasının prezidenti Vaşinqtonun xalqları təhqir və milli sərvətlərini qarət prinsipini tənqid edərək deyib: İran xalqının Amerikanın, ölkəsinə uzanmış əlini kəsmək üçün atom bombasına ehtiyacı yoxdur.
İRNA-nın məlumatına əsasən, Mahmud Əhmədinejad Tehranda təhsil işçiləri və məktəblilərin Qurani-Kərimin hifz edilməsi layihəsinin açılış mərasimində deyib: İran xalqı keçmişdə olduğu kimi təfəkkür, mədəniyyət, ideya və məntiqi ilə bütün təzyiqlərə qalib gələcək.
İran prezidenti daha sonra deyib: Bu gün Amerika dövləti 5 min atom bombası ola-ola tam təkəbbürlə İranı nüvə bombası olması ilə ittihamlandırır.
İran prezidenti dünyanın indiki problemlərinin Amerikanın müdaxiləçiliyi sayəsində yarandığını qeyd edərək deyib: Amerika və müttəfiqləri özsərvətlərini digər xalqların sərvətini qarət edib onları məhv etməklə təmin edirlər.
Əhmədinejad Yokio Amanonun vəzifə və səlahiyyətləri haqda deyib: Təəssüflər olsun ki, o,agentliyin qanunlarına riayət etməməklə bərabər yalnız Amerikanın sözlərini təkrarlayır.
Əhmədinejad Amerikada nüvə stansiyalarının fəaliyyətlərini xatırladaraq deyib: AEBA İran barədə həqiqətə uyğun olmayan bir hesabat yaymağa çalışdığı bir zamanda hətta Amerika və digər ölkələrin atom silahı haqda heç bir söz demir və yalnız hadisələri müşahidə edir.