Islam Times - Tehranda Azərbaycan, İran və Türkiyə XİN rəhbərlərinin görüşünə hazırlıq məsələsi müzakirə olunacaq

Tehranda Azərbaycan, İran və Türkiyə XİN rəhbərlərinin görüşünə hazırlıq məsələsi müzakirə olunacaq

IslamTimes - Azərbaycanın xarici işlər nazirinin müavini Xələf Xələfov gələn həftə İrana səfər edəcək.

Bu barədə Trend-ə diplomatik mənbələrdən məlumat verilib. Tehranda Xələf Xələfov İranın rəsmi şəxsləri ilə ikitərəfli münasibətlərin inkişafı məsələsi üzrə danışıqlar aparacaq.

Azərbaycan, İran və Türkiyənin XİN rəhbərlərinin ilin sonunadək keçirilməsi nəzərdə tutulan növbəti üçtərəfli görüşünə hazırlıq məsələlərinin müzakirə olunacağı da gözlənilir.

İlk belə görüş apreldə İranın Urmiya şəhərində keçirilib. Onun nəticələri üzrə birgə bəyannamə qəbul edilib. Sənəddə iqtisadi və siyasi, eləcə də təhlükəsizlik sahəsində əməkdaşlığın inkişafının zəruriliyi qeyd edilib. /Milli.Az/