QR Code

İtaliya İrandan neft idxalına sanksiya tətbiqinə qarşı çıxıb

6 Jan 2012 16:44

IslamTimes - İtaliyanın baş naziri Mario Monti Avropa Birliyinin İrandan neft idxalına sanksiya tətbiq etməsinə qarşı çıxıb.

APA-nın “Fars” xəbər agentliyinə istinadən verdiyi məlumata görə, baş nazir deyib ki, Avropa Birliyi yanvarın 30-dan İrandan neft idxalına sanksiya tətbiq etmək istəyirsə, bu qərarı tədricən verməlidir: “Bu müddətdə sanksiyalar İtaliyanın ENİ şirkətinə mövcud şərtlərdə şamil edilməməlidir. Əks təqdirdə İrana qarşı neft embarqosu İtaliyanı şoka salacaq”.

Qeyd edək ki, Avropa Birliyi ölkələrinin İrana sanksiya qərarı alması üçün 27 üzvün müsbət cavab verməsi lazımdır. İtaliya da xam neftə olan tələbatını daha çox İran vasitəsilə ödəyir.

Story Code: 128096