Islam Times - Hörmüz bağlansa, dünya 24 saat belə davam gətirə bilməz

IslamTimes - “Dünya Fars körfəzinin enerji qaynaqları olmadan 24 saat belə davam gətirə bilməz”.

APA-nın “Fars” xəbər agentliyinə istinadən verdiyi məlumata görə, belə bir bəyanatla İran İslam İnqilabı Keşikçilər Korpusunun (“Sepah”) Dəniz Qoşunlarının komandanı, admiral Əli Fədəvi çıxış edib. O deyib ki, İranın çağırışı 33 il əvvəl İslam İnqilabı ilə bütün dünyaya yayılıb. Əli Fədəvi İranın Hörmüz boğazını bağlayıb-bağlamayacağı haqda suala cavabında isə bunu indiyə qədər dəfələrlə sınaqdan keçirdiklərini bildirib. İranlı admiral həmçinin bu gün dünyanın Hörmüz boğazından keçən neft olmadan da ayaq üstə qalmasının mümkünsüz olduğunu vurğulayıb.

Lloyd’s-un (Beynanxalq dəniz statistikası təşkilatının) verdiyi məlumata görə, dünyada qlobal dənizlə nəql ona neftin 40%-i Hörmüz boğazından keçir. Hər gün 15-17 mln barrel neft oradan tankerlər ilə daşınır. Bu Fars körfəzində satılan neftin 90%-dır.