Islam Times - ABŞ-ın İran-Çin qorxusu

Islamtimes - Çinin yüksək rütbəli hərbi rəsmisi Şərqi Asiya regionundakı qeyri-sabitliyə görə Amerikanın məsuliyyət daşıdığını bildirib.Bu barədə Çin nümayəndəsinin mülahizələri rəsmi qəzetdə dərc olunub.

Admiral Yanq Yi bildirir ki, yeni strategiya ilə bölgədə Amerika hərbi qüvvəsinin artırılması bilavasitə İranla Çinə aiddir. Ağ Ev öz yeni hərbi strategiyasında yerli müttəfiqlərlə əlaqələrinin gücləndiriləcəyini bildirib.

Bununla yanaşı ABŞ Pekini narahatlıq keçirməməyə çağırıb. Vaşinqton daha əvvəl Çinlə əməkdaşlıq üçün imkanların olduğunu qeyd edərək Pekinin hərbi niyyətlərinin tam aydın olmadığını bəyan edib.

Bu həftə açıqlanan strategiya növbəti 10 il ərzində müdafiə nazirliyinə ayrılan vəsaitin ixtisarını nəzərdə tutur. Bununla yanaşı hərbi strategiyada Asiya, Sakit okean bölgəsi bə NATO ilə əməkdaşlığa vurğu edilir.