Çin İranla ticarət əlaqələrini kəsməyəcəyini açıqlayıb

APA-nın «Mehr» xəbər agentliyinə istinadən verdiyi məlumata görə, Çin Xarici İşlər Nazirliyindən deyilib ki, İranla ticarət əlaqələri davam etdiriləcək. Xəbərdə rəsmi Pekinin Tehranla ticarət sahəsində əməkdaşlığının BMT-nin Təhlükəsizlik Şurasının qətnamələrinə zidd olmadığı, bu baxımdan əlaqələrin kəsilməyəcəyi qeyd olunub.

Qeyd edək ki, yanvarın 14-də ABŞ İranla ticarət əlaqələrinə görə Çinin «Zhuhai Zhenrong» Dövlət Korporasiyasına qarşı sanksiyalar tətbiq edib.