Henri Kissincer sərsəmlədi

– ABŞ-ın keçmiş dövlət katibi Henri Kissincer dünyada baş verən siyasi proseslər, Yaxın Şərqdə yaşananlar və xüsusən də İranın nüvə proqramı ətrafında yaranmış gərginliklə bağlı açıqlamalar verib. Özündənrazı sərsəm təqüdçü deyib:
“Biz Çinə icazə verdik ki, hərbi potensialını artırsın....
Rusiyaya isə zaman verdik ki, sovet imperiyasının dağılmasından sonra özünə gələ bilsin....”
Eks dövlət katibi ABŞ-ın yeddi Yaxın Şərq ölkəsini öz siyasi orientasiyasına daxil etdiyini söyləyərək İranın regionda balansı pozduğunu deyib. Kissincerin proqnozuna görə, yeni qlobal müharibə dünyanın böyük bir hissəsini əhatə edəcək. ABŞ bununla yeni dünya cəmiyyəti formalaşdıracaq. Yeni formalaşdırılmış dünyanın da tək super gücü ABŞ olacaq: “Birləşmiş Ştatlarda dünyanın heç bir dövlətində olmayan silahlar var. Zamanı gələndə biz bu silahları bütün dünyaya göstərəcəyik”.
P.S. ABŞ-ın iri şəhərlərində imperialist Ağ Evə qarşı qiyam havası yaşanır. Ağ Ev daxili problemlərini xaricdə ekspansionist siyasətləri ilə ört-basdır etmək istəyir. Alınmayacaq!