Islam Times - Rusiya və Çin BMT TŞ-nin Suriya üzrə qətnaməsinə veto qoyub

IslamTimes - Veto hüququndan istifadə edən Rusiya və Çin BMT TŞ-nin Suriya üzrə qətnaməsinin qəbul edilməsinə imkan verməyib

Şuranın 15 üzv-ölkəsindən 13-ü qətnamənin lehinə, 2-si isə əleyhinə səs verib.

Qətnamənin mətni fevralın 2-də tərtib edilib və müəlliflərin sözlərinə əsasən, Suriyada qarşıdurmaya son qoymalıdır.

Bildirək ki, Rusiya və Çin BMT TŞ-nin daimi üzvləri olaraq, artıq ikinci dəfədir ki, Suriya üzrə qətnamənin qəbul edilməsinə maneə yaradırlar. İlk dəfə bu, 2011-ci ilin oktyabrında baş verib.

Moskva və Pekində "Liviya ssenarisinin" təkrarlanmasından ehtiyatlanırlar. Belə ki, BMT-nin sanksiyasından sonra bu Afrika ölkəsinə NATO qüvvələrinin müdaxiləsi Müəmmar Qəddafi rejiminin devrilməsi ilə nəticələndi. Lakin Liviyada sabitlik əldə etmək mümkün olmadı.

Qeyd edək ki, BMT TŞ-yə təqdim edilən hazırki qətnamə layihəsi Suriyaya qarşı güc tətbiq olunmasını istisna edir. /az.313news.net/