İranda martın 2-də keçirilmiş IX çağırış parlament seçkilərində 204 seçki bölgəsindən 219 namizəd deputat seçilib. APA-nın “Mehr” xəbər agentliyinə istinadən məlumatına görə, bu barədə İranın Daxili İşlər Nazirliyi məlumat yayıb. Xəbərdə seçicilərin ən az ¼-nin səsini ala bilməyən namizədlərin ikinci turda mübarizə aparacaqları bildirilib. İkinci turun nə vaxt keçiriləcəyi məlum deyil. Seçkilərin rəsmi nəticələri bu gün açıqlanacaq.
