Sabah Türkiyə, Azərbaycan və İran xarici işlər nazirləri görüşəcək

Xarici İşlər Nazirliyindən verilən açıqlamada bildirilir ki, toplantıda üç ölkəni maraqlandıran məsələlər, regional əməkdaşlığın inkişaf etdirilməsi imkanları ilə bağlı fikir mübadiləsi aparılacaq və ikitərəfli görüşlər keçiriləcək.

Açıqlamada nazirlər arasındakı ilk toplantının keçən ilin aprel ayında keçirildiyi xatırladılıb: "Bu toplantı ikitərəfli və regional məsələlərin bir masa arxasında müzakirə edilərək hər sahədə qarşılıqlı fayda çərçivəsində əməkdaşlığın inkişafına, regional sabitlik və təhlükəsizliyin gücləndirilməsinə xidmət edir".