İran yeni təlimlərə başladı

"Habertürk" bildirir ki, Xorasan-Rəzavi və Cənubi Xorasan vilayətində bu gün başlayan manevrlərdə on minlərlə hərbçi iştirak edir.

Quru qoşunları komandanı, korpus generalı Əhməd Rza Purdestanın dediyinə görə, "manevrlərin başlıca məqsədi ordunun döyüş hazırlığı səviyyəsini artırmaq"dır.

Təlimlərdə İranın Hərbi-Hava Qüvvələri də iştirak edəcəklər. Purdestanın dediyinə görə, təlimlər 3 gün davam edəcək.

Bu arada İran və Omanın ilin sonlarına yaxın Bəndər-Abbas limanı yaxınlığında birgə təlimlər keçirəcəyi də ehtimal olunur.